اتر پردیش الیکشن : سماجواد لیڈر شیوپال یادو اسدالدین اویسی کیساتھ ملکر بنائیں گے بی جے پی کیخلاف متحدہ محاذ

لکھنؤ، 9 دسمبر (قومی آواز) :پرگتی شیل سماج وادی پارٹی(لوہیا) کے سربراہ و سابق سماج وادی لیڈر شیوپال یادو نے بدھ کو کہا کہ سال 2022 کے اسمبلی انتخابات میں ان کی پارٹی کا حیدرآباد سے رکن پارلیمان اسد الدین اویسی کے پارٹی آل انڈیا اتحادالمسلمین(اے آئی ایم آئی ایم) سے اتحاد ہوسکتا ہے۔ اس کے امکانات روشن ہیں۔

سماج وادی پارٹی (ایس پی) کے ضلع صدر کے یہاں ایک شادی تقریب میں شرکت کرنے بارہ بنکی پہنچے شیوپال یادو نے میڈیا نمائندوں سے اپنی بات چیت میں کہا کہ ان کی پارٹی کا اسد الدین اویسی کی پارٹی ایم آئی ایم سے اتحاد ہوسکتا ہے۔ اس کے لئے پارٹی کارکنوں سے بات چیت جاری ہے۔ شیوپال نے کہا کہ بی جے پی کو ہٹانے کے لئے وہ یکساں نظریات کے حامل سیاسی پارٹیوں کا اتحاد بنایا جارہا ہے۔ ایک سوال کے جواب میں انہوں نے کہا کہ ان کی کوشش ہے کہ سیکولر پارٹیوں کا ایک اتحاد بنے۔