اورنگ آباد کا نام سمبھاجی نگر رکھنے کی جنتادل سیکولر نے کی شدید مخالفت.... مہاراشٹر جنتادل نے ساجدہ نہال احمد کی صدارت میں پریس کانفرنس لی
آج مہاراشٹر میں تکونی سرکار (شیوسینا - کانگریس - راشٹروادی کانگریس) کی سرکار ہے اور آج پھر سے اقتدار کے نشے میں مہاراشٹر سرکار فرقہ پرستی کی بنیاد پر اورنگ آباد کا نام تبدیل کرکے سمبھا جی نگر رکھنے کیلئے زور آزمائی کر رہی ہے. حتیٰ کہ تکونی سرکار پر مبنی کانگریس اور راشٹروادی کانگریس مذکورہ مدعے پر دوغلی پالیسی اپنا رہی ہے اور *اورنگ آباد ائیر پورٹ کا نام تبدیل کرکے سمبھا جی نگر رکھنے کیلئے مہاراشٹر کیبنٹ ہال میں حمایت کی اور ہال کے باہر کانگریس چاپلوسی کے ساتھ مخالفت کر رہی ہے.* تاریخی شہر اورنگ آباد کے نام تبدیلی کی مخالفت جنتادل سیکولر روز اول سے کر رہی ہے اور اسی مناسبت سے آج 10 جنوری بروز اتوار جے جے ہوٹل، اورنگ آباد میں دوپہر 2 بجے ایک اردو مراٹھی پریس کانفرنس رکھی گئی. پریس کانفرنس کی صدارت مہاراشٹر جنتادل سیکولر جنرل سیکریٹری *محترمہ ساجدہ نہال احمد صاحبہ* نے کی. پریس کانفرنس میں *ڈاکٹر پی ڈی جوشی پاٹودیکر صاحب* (نائب صدر مہاراشٹر جنتادل سیکولر)، *اجمل خان صاحب* (سیکریٹری مہاراشٹر جنتادل سیکولر)، *ایڈوکیٹ جئے پرکاش صاحب* (صدر اورنگ آباد ضلع) جنتادل سیکولر کے ریاستی ذمہ دار موجود تھے. ساجدہ میڈم پریس کانفرنس کے ذریعے مہاراشٹر سرکار کو انتباہ دیا کہ سپریم کورٹ کی پھٹکار کھانے کے بعد بھی سرکار اپنی حرکتوں سے باز نہیں آئی تو ہم سیکولر طاقتیں اکٹھا ہو کر ریاستی سرکار کے خلاف سخت آندولن کرے گے. سرکار کو چاہئے کہ تعمیراتی کام و بالخصوص اورنگ آباد شہر میں پانی، روڈ، جیسے اہم مسائل کو حل کرے نا کہ فرقہ واریت کرے. اسی کے ساتھ ساجدہ میڈم کانگریس، راشٹروادی کانگریس کے دوغلے پن کو بے نقاب کرتے ہوئے اورنگ آباد کا نام تبدیلی کی مذمت کی. پریس کانفرنس میں اجمل خان صاحب اور پربھی سے تشریف لائے ڈاکٹر پی ڈی چوشی صاحب نے بھی اورنگ آباد کے نام تبدیلی کی مذمت کرتے ہوئے سرکار کو بڑے آندولن کا انتباہ دیا. پریس کانفرنس میں شرکت کیلئے شہر مالیگاؤں سے جنتادل سیکولر کا قافلہ ساجدہ میڈم، ہارون ماسٹر، آفتاب عالم، عبدالرحمٰن انصاری دوپہر 1:30 بجے اورنگ آباد پہنچا.
Comments
Post a Comment