بدامنی اور افواہ پر مبنی پوسٹ و ویڈیو بھیجنے والوں پر مالیگاؤں پولس سائبر کرائم سیل کی نظر

مالیگاؤں (این ایم این) : آج ضلع ناسک (گرامن) کے سپرنٹنڈنٹ سچن پاٹل اور مالیگاؤں کے ایڈیشنل پولس سپرنٹنڈنٹ چندر کانت کھانڈوی کی جانب سے جاری کردہ اپیل پر مبنی ایک پوسٹر میں بدامنی اور افواہ کسی بھی پوسٹ و ویڈیو کو سوشل میڈیا بالخصوص واٹس ایپ پر بھیجنے والے اور ایڈمن پر سخت قانونی کارروائی کا انتباہ دیا گیا ہے 'پولس انتظامیہ کی جانب سے اطلاع عام' عنوان سے جاری اس پوسٹر میں درج ہیکہ "مالیگاؤں شہر میں سوشل میڈیا پر کچھ ایسے میسیج اور ویڈیو وائرل کئے جارہے ہیں جسکا مالیگاؤں شہر سے کوئی تعلق نہیں ہے وہ ویڈیو پرانے اور دوسری ریاستوں کے ہیں لیکن ایسے ویڈیو کو کچھ گروپ ایڈمن دوسرے گروپ میں بھیجتے ہوئے نظر آرہے ہیں جس سے ایسا محسوس ہورہا ہیکہ گروپ ایڈمن اور اسکے ممبر افواہ پھیلا کر شہر میں بدامنی پھیلانے کی کوشش میں لگ رہے ہیں، مالیگاؤں شہر میں جو کوئی گروپ ایڈمن ایسے ویڈیو آگے بھیجتے ہوئے پایا جائیگا اس پر سخت سے سخت کارروائی کیجائیگی، سائبر کرائم سوشل میڈیا پر مسلسل اپنی نظر رکھے ہوئے ہے شہر کے تمام ہی گروپ ایڈمن، سوشل میڈیا کا استعمال کرنے والے لوگوں سے اپیل کی جاتی ہے کہ سوشل میڈیا کے ذریعے ایسی کوئی بھی پوسٹ ویڈیو وغیرہ آگے سینڈ نہ کریں جس سے سماج اور شہر میں غلط جانکاری جانے کی وجہ بنیں، شہر کے امن کو بنائے رکھنے میں پولس انتظامیہ کا تعاؤن کریں