ناشک میں ایک گھنٹے کے اندر تین زلزلے کے جھٹکے

ممبئی (ایجنسی) : مہاراشٹر کے ناشک

 میں ایک گھنٹے کے اندر زلزلے کے تین جھٹکے محسوس کیے گئے۔ ناشک ڈسٹرکٹ ڈیزاسٹر مینجمنٹ اتھارٹی نے بتایا کہ زلزلے کا مرکز ڈنڈوری تعلقہ میں تھا۔ واقعے میں ابھی تک کسی جانی نقصان کی اطلاع نہیں ہے۔

حکام نے لوگوں کو زلزلے کے مسلسل جھٹکوں سے خوفزدہ نہ ہونے کی ہدایت کی ہے۔ منگل کی رات 08.58، 09.34 اور 09.42 پر تین چھوٹے زلزلے آئے۔ وہ بالترتیب 3.4، 2.1 اور 1.9 شدت کے تھے۔ زلزلہ ہلکا ہونے کی وجہ سے کسی نقصان کی اطلاع نہیں ملی۔ زلزلے کے جھٹکے ڈنڈوری، مڈکیجمب، ہتنور، نیلونڈی، جمبوٹکے، عمرالے اور تلیگاؤں میں بھی محسوس کیے گئے۔